مالك...مكشر....مخنوق...مش عارف ليه‏

في حياتنا ضغوط كتير من الوقت

من الاهل

ومن الناس

ومن الدراسة

والعمل

ومن الفراغ بدون عمل ولا دراسة ولا اي نشاط تقوم بيه

تصبح زي ماتمسى.... يومك مبيتغيرش.... والساعة واقفة حرساك لا انت عارف تقدمها ولا حتى تاخرها


يومك ضايع بين حاجة بتعملها ومداوم عليها وحاجة نفسك تعملها ومكسل وحاجة زهقت منها وعايز تبطلها

تصحى في يوم مكشر يسالوك في البيت ( في ايه مالك مكشر ياساتر يا رب عالصبح كدة ) تروح ترد بكل برود ( مفيش مخنوق)

المشكلة انك لسة صاحي ومحدش عارف انت مخنوق من ايه ...مانت لسة ماقابلتش حد ولا اتكلمت مع حد ولا عملت اي منظر

صاحي مبوز ومكشر حتى المراية تبص فيها وانت مش طايق تبص في ملامحك
وترجع تقعد على السرير تفكر وتبص للارض وساند ايدك ع المرتبة جنبك مستني ايه متعرفش ولا بتفكر فى ايه برده ماتعرفش


تقوم عشان تغير هدومك بالعافية وترميها ع الارض ع السرير متفرقش المهم انك ع اخرك عايز تنفجر

والي جواك بتقول لنفسك ( اووووف ملل انا زهقت خلاص)

تفتح الكمبيوتر الصفحة مهنجة وتتفتح بالعافية تسيبها وتخرج عشان تعمل حاجة تشربها

تعدي عليهم في الصالة يسالوك وانت الطبيعي انك مبتردش ويسالوك سؤال غريب انت رايح فين؟؟؟ مانت قدامهم رايح المطبخ جواك نفسك تبص بصة مالهاش لزمة بس متقدرش دي امك ودا ابوك بس لو اختك او اخوك كنت هترد رد بارد وفيه قلة زوق كمان

ولما ترجع تقفل الباب برجلك مانت زهقان وتقعد ع الجهاز وتفتح ايميلك ماتلاقيش حد تكلمو تدخل ع الفيس متلاقيش موضوع يشدك او يغير المود بتاعك تجيب الالعاب تحس ان الالعاب كلها خنيقة تبقى عايز تقوم تشيل الكومبيوتر وترميه من البلكونة ولا ليه انت عايز ترمى نفسك اصلا

جواك حزين وقرفان ملل عجيب مش عارف تعمل

حتى وانت بتصلي نفسك تعيط نفسك تصرخ ومش قادر


وبعد مشوار من الساعات الي بتعدها عشان تعدي تتصل تدور على حد كلو مشغول او قرفان زيك او حتى مالكش نفس تشوف حد

وفي اخر اليوم

تحط راسك ع المخدة وانت بردو مخنوق وساكت وتسال نفسك هو انا عايش ليه وبعمل ايه؟

وتنام زي كل يوم من غير ولا فايدة


--------------------------

طبعا الحالة اللى انا قلتها دلوقتى دى بتصيب ناس كتير اوى فى ايام محددة تلاقى نفسك صاحى مخنوق مش عارف ليه وتفضل لنهاية اليوم كدة وبرده مش عارف ليه
تلاقى نفسك نفسك تعيط وتصرخ
بس فى الغالب ده بيبقى سببه الملل او انك تحس انك ماعملتش حاجة مفيدة فى الحياه

عايزين بقى نتناقش فى الموضوع من جميع الجوانب سواء من الاسباب او العلاج او او او

مشكورة
كلام جميل

مشكوووووووووووور موضوع جميل
فعلا بيحصل كتير اوووووووي
بالذات في الاجازة

ههههههههههه

مشكور عي الكلام الرائع دة
الي الامام دائما
بس ياريت علي المنتدي الجديد

هههههههههههههههههههههههههههههههههه

مش شايف فيه اي حاجه صح

ههههههههههههه
بس بقى ياواد

لا جمييييييييل

انتة ادرى

غنوا بقى على بعض