افتح قلبك .. قول واتكلم مع احمد عبدالله ومش هتندم فى يوم

افتح قلبك .. قول واتكلم .. من ورا شاشة كمان بيجوز .. تضحك ضحكة تضرب
بوز .. اوعى تقول ده محدش شايفك .. محدش حاسك محدش لامسك .. قلبى وقلبك
ليهم إيد .. حتى ان كنت انا وانت بعيد .. كفكف دمعي أكفكف دمعك .. احكى
معايا .. احكى انا ليك ..تسمع صوتى اتونس بيك .. اكتب ليا وافتح عمرك..
اقرى دفاترى واقرا دفاترك .. تحذف جملة من حدوتي .. أو أشوف أنا حكمة
بعيكلمة محظورة.. رد عليا وأرد عليك .. اخرج ليا من جواك .. خد بايديا أمر انا مني
.. اخلع خوفك واخلع خوفي .. شوف أحزاني تهون أحزانك .. شوف الدنيا بنظرة
عيني ..وافتح عينك شباك ليا .. عمري الدنيا مكانت واحدة .. ده الكون ماشى
بيا وبيك

افتح قلبك قول واتكلم


وأهم نصيحة بقولهالك .. اوعى تخاف تخرج براك .. عدى قصاد العالم كله .. شايل قلبك بابتساماته .. بكل جروحه بكل آهاته ..
اوعى تخاف يوم من اخطائك .. لولا غلطنا مكناش نكبر
لولا فشلنا مكنا نجحنا .. لولا الدمع مكنا فرحنا .. ولا استطعمنا طعم حياتنا


افتح قلبك قول واتكلم

وان
كان لسه قلبك خايف .. وملامحك كاشه فى وجدانك .. حد يشوفك يسمع عنك ..
تنهش فيك الدنيا الحيه .. او تتعرى بكل كيانك .. إلبس اسم او وش جديد ..
احكى حكايتك من ورا شاشه .. بس تخلي يقينك عالي .. بأن قلوبنا ليها جناح
.. يطير لمكانك يطيب جرحك .. يخبي هدية جوا عيونك .. تورد خدك ويا شفايفك
وتطبطب على كل حياتك


افتح قلبك .. قول واتكلم

الاخطاء لازمه لاتمام الحياه لماذا نغلق علينا انفسنا ولا نتكلم مع احد عنده تجربه مثلها مستنى ردودكم وانا موجود اى وقت





احمد عبدالله