ReMeMBeR Me
عدد المساهمات : 329 نقاط : 26343 السٌّمعَة : 0 تاريخ التسجيل : 07/07/2010 العمر : 31 الموقع : اكيد فى البيت
| موضوع: مش بالعياط الأربعاء يوليو 21, 2010 8:32 am | |
| بسم الله الرحمن الرحيم
السلام عليكم ورحمة الله وبركاته
-------------------------
((مش بالعياط يا بشمهندس ... مش بالعياط يا بشمهندسة ... مش بالعياااااااااط يا مسلمين)) :
حياكم الله
ندخل فى الموضوع ع طوول
انا حاسة ان احنا بالظبط بالظبط زى مدرسة كان فيها مدير ممتاز ومدرسين عباقرة وطلبة متفوقين جداااااا
النتيجة فى النهاية هاندرد برسنت كله ناااجح بتفوق
وبعد كاااااام سنة المدير مات والمدرسين والطلبة ماتوا
وجه بعد كده مدير يعنى اى كلام ومدرسين مش اد كده وطلبة خايبانين لا بيذاكروا ولا اى حاجة
المدرس يدخل الفصل يعيط ويقول للعيال : ( يا ولااااد كان فى هنا زمااان مدرسين كويسين وطلبة كويسين )
والمدرس يعيييط والطلبة يعيطوا
كل ما المدرسين يدخلوا الفصل يقعدوا يحكوا عن المدرسين اللى زمااان كانوا كويسين والطلبة الممتازين وهاتك يا عياااااااااااااااااا ط
والنتجة فى النهاية زيرو برسنت
فهمتوا انا عايزة اقول ايه ؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
الشيخ يطلع يحكى لنا عن السلف الصالح وكانوا عاملين ازاى ويعيط واحنا نعيط ولو حد ماشى فى الشارع يسمع يعيط
ها وبعدين ؟؟؟؟؟؟؟؟؟؟؟
بنعيط بقالنا اد ايه ؟؟؟؟
عمالين نسمع ونقرأ عن السلف ونعيط ع حالنا ..... وبس مفيش فعل مافيش ريأكشن ها وبعدين ؟؟؟؟؟؟؟؟؟؟
نيجى يوم القيامة النتيجة صفر
ليه يا رب ؟؟؟؟؟؟؟
ده انا كنت بخلص كل حلقة علبة مناديل من العياط
ياااااااااااااااا ربى
اصله مش بالعياط يا بشمهندسين
بالشغل والعمل (ومن اراد الاخرة وسعى لها سعيها )
(((سعى ))) مش عيط وبس ؟؟
كفاينانا بقى عياااط من غير شغل
كفايانا دموع من غير عمل من غير سعى
عايزين العاطفة دى والعياط ده يحركنا عايزين الحماس ده يحركنا
نشتغل بقى نفوق بقى كفاية عياط فلسطين راحت والعراق راحت .. , السودان , افغانستان , الشيشان , الصومال , اريتريا , لبنان ........وغيره وغيره
ها ؟؟؟ مش كفايه عياط بقى من غير عمل ؟؟؟
سمعتى كااام حلقة عن الحجاب ولسة مش محجبة ؟؟؟؟
سمعت كااام حلقة عن التدخين ولسة مش بطلت ؟؟؟؟
سمعت كااام حلقة ان الصلاة عليك فرض فى الجامع ولسة مش بتصلى فى الجامع ؟؟؟ ده اذا صليت بانتظام اصلاً
سمعت كااام حلقة عن الاخلاق وانها اثقل حاجة فى الميزان ولسة اخلاقى مش تماام ؟؟؟؟؟؟؟
قريت كااام موضوع دينى , سمعت كااام حلقة , حضرت كاااام درس , حضرت كااام خطبة ؟؟؟؟؟؟؟؟
غيروا فيك ايه ؟؟؟؟؟
ولا لسة زى ما انت ؟؟؟؟؟؟
انتو عارفين احنا حالنا بيبقى ايه ؟؟؟؟
نسمع الحلقة من هنا او نحضر الدرس من هنا وننتأثر اوى اوى ونقعد نعيييييط ونقول لالالا انا كده مانفعش انا لاااازم ابقى كويس وهابطل الحاجات اللى كنت بعملها
صح مش بنقول كده ؟؟؟
بس للأسف معظمنا بيتأثر ثأتر لحظى
يعنى ايه لحظى ؟؟
يعنى وقتها وبس ابقى ايه منهارة واتأثر اوى وبعد شوية .................... ......
بعد شوية بننسى او اسى ونرجع زى الاول بس فى فرق
زى بالظبط لما بنشوف صور اخواتنا المسلمين فى الاراضى المحتلة وصور الاطفال اللى بتدبح القلب
بنتأثر فى وقتها شوية وخلااااص واقول لأ انا هاتوب وابقى كويس عشان الناس دى وهاقاطع المنتجات ده اقل حاجة اعملهالهم
وبعد كده اضعف قدام البيبسى !!!!
واحنا عارفين انه من منتجات المقاطعة
وانتو عافين احنا عاملين زى مين برده
احنا برده عاملين زى اللى دخل الامتحان
ومسك ورقة الاسئلة وقرأ السؤال الاول وقال : يااااه السؤال ده انا عارفه ده سهل اوى
وبص ع السؤال التانى وقال وده كمان سؤال سهل اوى
وبص ع باقى الاسئلة وقال كلها اسئلة سهلة جدااااااااااااا انا عارفها كلها
وبعدين سلم ورقة الاجاب فاضية وخرج
.... هاينجح ؟؟؟؟؟؟؟؟؟؟ مع انه كان عارف كل الاسئلة وعارف اجابتها
ليه ؟؟؟؟
اصله مش بالكلام خلاااص , لاااااازم يحل لاااازم يجاوب
لااااااااااااااااااا ازم عمل وشغل مش كلام وعياط وبكاء شكرا
كاااام واحد وواحدة من اللى فاكرين نفسهم ملتزمين لو رُفعت العصا هايثبتوا ؟؟؟؟؟؟؟؟؟
كااام واحد ملتحى لو اتاخد المين هايروح يحلق
مين اللى هايثبت وقت الازمات
وصدق القائل ( لو رُفعت العصا ما ثبت الا القليل )
اهو احنا بقى عايزين نبقى من القليل دول
طيب نعمل ايه بقى احنا فى المشكلة دى ؟؟؟؟؟؟؟؟
(1)رمضان بقى فرصتك ولااااااااااااازم يكون محور تحول فى حياتك
رمضااااان يا جماعة فرصة عمر كل مسلم اه والله فرصتنا ولااااازم نتشبث بيها ومانسبوش
رمضان 30 جولة هاتكسب بالضربة القاضية فى الجولة الكام ؟؟؟؟
حط لنفسك هدف فى رمضان وركز عليه
حط لنفسك شعار يبقى قدام عنيك طول الوقت
ماتخليش حاجة تعطلك لو النت هايعطلك افصله
(2)بعد رمضان - قبل ما تطلع من الحالة الروحانية العالية اللى كنت فيها – شوف حد من اصحابك الكويسين اللى انت حاسس فيهم انهم قريببين من ربنا والزقله ايوة الزق فيه
ماتسبوش
ما هو لاااازم اصحاب كويسين عشان يشدوك معاهم
ما هو مش هاينفع اتغير وابقى كويس وانا لسة مصاحب ناس مش بيسحبونى للجنة
هاتقولى وانا هاعرفه ازاى ؟
هايبان والله .... دور ع حد كده انت بتحس فيه انه قريب من ربنا
ها لقيته ؟؟ الزق فيه بقى , روح قوله انا عايز امشى معاك وعايز نبقى اصحاب
رايح درس تروح معاه , رايح الجامع لازقله مانت لازق فيه بقى
والله والله حل ممتاز ونتيجته مضمووونة هاندرد برسنت
اصل يا جماعة احنا ايه وسط الناس اهل السلف ... ولا حاجة طبعا
انا ساعات كده اتخيل يوم القيامة ع الحوض بتاع الرسول – صلى الله عليه وسلم –
واقول طب احنا هانروح فين وسط 114000 صحابى
ده غير التابعين والسلف الصالح
خير القرون قرنى ثم الذى يلونهم ثم الذى يلونهم
طب احنا هاروح فين وسط الناس دى
ده عقبال ما الرسول يشرب كل واحد فيهم نكون احنا ............
الامام قتادة كان بيختم القران كل اسبوع مرة ده طووول السنة
ويجى فى رمضان يختم كا 3 ايام مرة
ويجى فى ال 10 الاواخر يختم كل يوم ختمة
هانروح فين وسط الناس دى
ابو مسلم الخولانى كان معلق كرباج فى مكان قيام الليل بتاعه
نعم ؟؟ كرباج
اه كرباج عارفين ليه ؟؟
عشان لما رجليه تتعب من قيام الليل يضربها ويقولها والله لأزحفن بكِ زحفاً حتى يكون الكل منكِ لا منى
ياااااااااااااااا ربى هانروح وسط الناس دى فين
لااااازم نشتغل بقى
كفايانا بقى تضييع وقتنا وعمرنا
خلااااص يا جماعة رمضان السنة دى ان شاء الله هايكون حاجة تانية ؟؟
ان شاء الله يكون محور تحول لنا كلنا
احنا مش عايزين نكون زى اللى بيتقال عليهم
لقد أسمعت لو ناديت حيا ولكن لا حياة لمن تنادِ
ولو ناراً نفخت بها أضاءت ولكنك تنفخ في رماد ِ
لالالالالالالالا احنا ان شاء الله مش كده
ان شاء الله هانكون فرسان وفارسات فى رمضان وبعد رمضان كمان
وكفايانا بقى ......... كفى يا نفس
هو موضوع طويل شويه بس بجد حلو اوى | |
|
ĶãŽãŇσVặ
عدد المساهمات : 732 نقاط : 28204 السٌّمعَة : 0 تاريخ التسجيل : 18/01/2010 العمر : 30
| موضوع: رد: مش بالعياط الأربعاء يوليو 21, 2010 1:33 pm | |
| | |
|
ĶãŽãŇσVặ
عدد المساهمات : 732 نقاط : 28204 السٌّمعَة : 0 تاريخ التسجيل : 18/01/2010 العمر : 30
| موضوع: رد: مش بالعياط الأربعاء يوليو 21, 2010 1:39 pm | |
| موضوع جميل جدا مشكوره على المووضع الجميل | |
|